《咁你都唔識》係一檔嶄新搞鬼嘅廣東話常識遊戲節目，由毒舌主持C君領軍，聯同謝嘉怡、黃紫恩、胡敏芝組成主持團，專攻大家以為「人人都識」但其實隨時考起全場嘅生活常識。

節目搜羅抵死、貼地、生活化同時古怪刁鑽嘅題目，涵蓋廣東話俚語、日常冷知識、香港文化同各種估你唔到嘅難題。每集邀請嘉賓落場比拼，答錯隨時被C君毒舌狠批，答對又未必真係咁威，因為題目往往淺到喊但一問就死。

無論你係廣東話高手定係「咁你都唔識」嘅常客，都可以跟住節目一齊玩、一齊笑、一齊認輸。想知自己係真醒定假醒？睇《咁你都唔識》就一清二楚！